Шпаргалка по "Истории Беларусии"

31 Билет Палитыка Расии на бел. землях(кон.18-нач19 ст.)

У выніку падзелаў Рэчы Паспалітай з Расіяй уз'ядналіся беларускія землі, на якіх пражывала больш за 3 млн чалавек. Царызм на працягу параўнаўча кароткага  тэрміну ажыццявіў шэраг мер, якія былі накіраваны на ўмацаванне сваёй улады ў Беларусі. На Беларусь было распаўсюджана адміністрацыйна-тэрытарыяльнае дзяленне на губерні і паветы. Па адміністрацыйнай рэформе яе тэрыторыя ўвайшла ў склад пяці губерняў: Віцебскай, Магілёускай), Мінскай ,Гродзенскай , Віленскай.

За памешчыкамі  Беларусі замацоўваліся ўсе правы  і прывілеі, якімі карысталася  дваранства Расійскай імперыі. Польскім і беларускім феадалам-католікам  было дазволена свабодна выконваць  каталіцкія абрады. У той жа час  каталіцкаму і уніяцкаму духавенству забаранялася схіляць у сваю веру праваслаўных.Значная частка акаталічанага беларускага насельніцтва пасля ўз'яднання Беларусі з Расіяй вярнулася ў праваслаўе.

Царскім урадам была ліквідавана бескантрольная ўлада і самастойнасць буйных феадалаў Беларусі. Ен адмовіў ім у праве мець асабістае войска, крэпасці. Было таксама абмежавана самавольства магнатаў і шляхты.

3 мэтай  стварэння апоры сваёй улады  ў Беларусі царызм насаджаў  тут рускае землеўладанне. Для  гэтага былі выкарыстаны староствы  і былыя каралеўскія эканоміі, а таксама маёнткі, якія былі канфіскаваны ў магнатаў і шляхты, што выехалі за мяжу, Усяго з 1772 па 1801 г. рускім памешчыкам у Беларусі было раздадзена больш як 200 тыс. рэвізскіх (мужчынскіх) душ. Царызм захаваў тут здачу казённых маёнткаў у арэнду

Становішча  сялян амаль не змянілася. На Беларусь была распаўсюджана расійская падатковая сістэма. Аднак, улічваючы гаротнае становішча беларускіх сялян, царскі ўрад вымушаны быў зменшыць на некаторы час размеры дзяржаўных падаткаў. 3 1797 г. на працягу 10 гадоў падушны падатак з сялян Беларусі спаганяўся ў палавінным размеры ў параўнанні з тым, які плацілі сяляне рускіх губерняў.

На беларускія гарады распаўсюджваліся прынцыпы рускага  гарадскога самакіравання. Па рускаму ўзору было арганізавана і кіраванне губернямі Беларусі.

Эканамічны  ўздым. Уз'яднанне Беларусі з Расіяй, якая была ў эканамічных адносінах больш развітой краінай, чым Рэч Паспалітая, накіравала Беларусь на шлях прагрэсіўнага эканамічнага развіцця.

   Хутчэй  стала развівацца сельская гаспадарка Значна ўзраслі пасяўныя плошчы збожжавых культур  ў  губернях. Пашырыліся пасевы тэхнічных культур — ільну і канапель. Развівалася жывёлагадоўля, паляпшаліся пароды жывёлы. Памешчыкі Магілёўскай і Гродзенскай губерняў пачалі разводзіць танкарунных авечак Некаторых поспехаў дасягнула прамысловасць Беларусі. Вырасла колькасць мануфактур, галоўным чынам памешчыцкіх.

Усе гэтыя  прадпрыемствы былі адкрыты пасля  ўз'яднання з Расіяй.

Узнікалі  на Беларусі і мануфактуры, на якіх выкарыстоувалася праца вольнанаёмных рабочых.

Пасля ўз'яднання з Расіяй пачаліся вялікія  работы па будаўніцтву дарог і  каналаў, якія мелі важнае значэнне.

Гаспадарка   Беларусі   ўсё больш. звязвалася з усерасійскім рынкам. Беларускія купцы гандлявалі ў Пецярбургу, Маскве, Кіеве і іншых гарадах Расіі і Украіны. 3 Масквы, Пецярбурга, Тулы і іншых рускіх гарадоў у Беларусь прывозіліся розныя тканіны, жалезныя вырабы, посуд, з Украіны — збожжа, жывёла, тытунь, соль. Развіццю ўнутранага гандлю садзейнічалі кірмашы.

3-за  мяжы ў Беларусь прывозіліся шаўковыя тканіны, разнастайныя галантарэйныя тавары, цукар, кофе, віны і інш.

Гэтыя тавары ішлі на задавальненне патрэб дваран і багатых гараджан.

Аб эканамічным  уздыме ў Беларусі сведчыў рост гарадскога насельніцтва. Асабліва павялічылася колькасць жыхароў у Мінску, Магілёве, Віцебску, Полацку, Гродна. Беларускія гарады забудоўваліся і добраўпарадкоўваліся.

Ажыўленне культурнага жыцця У яе губернскіх і павятовых гарадах адкрываюцца рускія школы. Вывучэнне рускай мовы, рускай гісторыі і геаграфіі навучэнцамі садзейнічала далучэнню іх да культуры братняга рускага народа.

Былі  адкрыты новыя друкарні, у тым  ліку ў Мінску, Магілёве, Гродна. Апрача афіцыйных дакументаў, яны выдавалі кнігі і падручнікі для школ. Некалькі пашырылася сетка бібліятэк.

Такім чынам, ужо ў першыя дзесяцігоддзі  пасля ўз'яднання з Расіяй у Беларусі вырасла вытворчасць сельскагаспадарчых прадуктау, пачала развівацца прамысловасць, пашырыўся ўнутраны і. знешні гандаль, павялічылася насельніцтва гарадоў, ажывілася культурнае жыццё.