«ҚР СО БААТЖ» жүйесі туралы

         «Дөңгелек үстелдің» жұмысына Қарағанды облысының Мамандандырылған ауданаралық экономикалық сотының судьялары, Сот актілерін орындау жөніндегі департаменттің, Қарағанды қаласы прокуратурасының, «Қарағанды Жарық» ЖШС-нің, «Қарағанды-Нан» ЖШС-нің, «APN Profit» ЖШС-нің өкілдері қатысты.

     «Дөңгелек үстел» барысында Осака қаласында  өткен семинарға қатысып қайтқан  судья Қ.Қ.Таткеева Жапонияның құқықтық жүйесі, заң шығару үрдістері, сот  жүйесі, прокурорлары мен адвокаттарының өкілеттілігі мен міндеттері, қарапайым  азаматтардың сот процестеріне қатысуы, осы елдің азаматтық судьялар жүйесі туралы баяндама жасады.

         Осакадағы семинарға қатысқан елдердің (Қазақстан, Тәжікстан, Өзбекстан, Қырғызстан, Жапония) корпоративтік заңдарындағы негізгі айырмашылықтар туралы әңгімелеп, мысал ретінде Жапониядағы ипотека бойынша қарызды өндіру талабының тәртібін түсіндірді.

         Судья Қ.Қ.Таткеева Жапонияда өткен семинарда «Ипотека – міндеттемелерді орындауды қамтамасыз етудің тиімді әдістерінің бірі», «Ипотека бойынша қарызды өндіру талабының тәртібі бойынша сот істерінің мысалдары» тақырыптары бойынша баяндамалар жасаған.

         Баяндама соңынан судья Қ.Қ.Таткеева «дөңгелек үстелге» қатысушылармен Осакаға жұмыс сапарының барысында алған әсерімен бөлісті.

         Жалпы, «дөңгелек үстелдің» жұмысы жемісті болып, көпшіліктің көңілінен шықты. 

    Қарағанды облысы  МАЭС-ның             Қарағанды облысы  МАЭС-ның                 

    судьясы Қ.Қ. Таткеева         судьясы Г.Н. Мақашева 

                            «Дөңгелек үстел»  отырысына қатысушылар

        Қарағанды облысының Мамандандырылған ауданаралық экономикалық сотының судьясы А.ТҚазтаева 2010 жылдың 28 наурызы мен 2 сәуірі аралығында CEELI институты USAID ұйымының қолдауымен ұйымдастырылған «Зияткерлік меншік құқын қорғау» тақырыбындағы халықаралық семинарға қатысты. Семинар Чех Республикасының астанасы Прага қаласында өтті. 

                            Прага қаласымен танысу саяхаты

         Семинарға қатысушылар Прага апелляциялық сотының тыңдауларына қатысып, доктор Яромир Йирса өткізген Чехия сот жүйесі мен Судьялар одағына қатысты «дөңгелек үстел» отырысына шақырылды. Судьялар академиясының өкілі доктор Павел Цицварекпен кездесу өтіп, оның барысында Чехиядағы заңгерлік білім беру бағдарламасы талқыланды.

         Семинарға қатысушылар сауда белгілеріне (сәйкестігі), олардың құқықтық қорғалуына, сауда белгілері иелерінің қателіктеріне, құқықтық нормативтердің қолданылуына, сауда белгілеріндегі келісімдерге, көшіру құқықтары мен авторлық құқықтарға, БСҰ-ның ТРИПС құқықтық санкциясына және Европалық Директиваларға, пратенттерге қатысты дәрістер тыңдады.

«Зияткерлік меншік құқын қорғау»  тақырыбындағы семинарға  қатысушылар

Судьялар  Академиясы.          Прага апелляциялық соты.

Семинарға қатысушылардың                Семинарға қатысушылардың

доктор  Павел Цицварекпен               доктор Яромир Йирамен кездесуі

кездесуі