Тұтынушылар талғамы

«Табыс-тұтыну»  және «баға-тұтыну»  қисықтвры 

Егер  тұтынушының табысы көбейе түссе, онда оның бюджет сызығы бастапқы сызыққа  параллель түрде өседі, ал теңдестік  нүктесіне ( Е₁, Е₂, Е₃ ) тұтынушының ұтымды таңдаулары сәйкес келеді. Егер осы жағдайды жазықтықта бейнелейтін болсақ, онда біз тұтынушылардың теңдестік жағдайын бейнелейтін нүктелердің тізбегін аламыз. Осы нүктелері бір-бірімен қоссақ, онда табыстың өсуіне байланысты 9-суретте көрсетілгендей «табыс-тұтыну» қисығы шығады. Бұл қисықты кейде «тұрмыстық деңгейін көрсететін қисық» деп те атайды. 

9-сурет.  «табыс-тұтыну» қисығы (кәдімгі тауарларға).

10-сурет.  «табыс-тұтыну» қисығы (сапасыз тауарларға). 
 

Сапасыз – тауарлар табыс өскен сайын  оларды тұтыну шамасы азаятын тауарлар. 10-суретте сапасыз тауарлар үшін «табыс-тұтыну» қисығы көрсетілген. Тұтынушы тауарды сапасыз деп қарастырғанда «табыс-тұтыну» қисығы координаттардың вертикаль осіне қарай бұрылады. Табыстың белгілі бір деңгейге жетіп, одан әрі өсу, бұл тауарды тұтынудың азаюына әкеледі. Осы деңгейге жеткенде «табыс-тұтыну» қисығының көлбеуі теріс сан болады, 10-суреттегідей І₂ деңгейінен жоғары өсуінің нәтижесі Х тауарын тұтынудың төмендеуіне әкеледі. Сөйтіп, тұтынушылар табыстары белгілі бір деңгейден жоғарылағанда сапасыз тауарларды аз алады.

Егер  тұтынушының табысы өзгермей Х жәнеУ тауарларының тек біреуінің ғана бағасы өзгеретін болса, онда біз әр түрлі бюджет сызықтарын аламыз. Олардың әр қайсысында тұтынушы  теңдестік жағдайға ие болады. Егер осындай теңдестік жағдайын бейнелейтін нүктелер тізбегін бір-бірімен қосатын болсақ, онда бағаның өзгеруіне байланысты тұтынушылар талғамы қалай өзгергенін бейнелейтін қисық аламыз. Бұл қисық «баға-тұтыну» қисығы деп аталып, 11-суреттегідейкелтірілген түрде бейнеленді. 

11-сурет.  «баға-тұтыну» қисығы. 
 

Ал егер тұтынушының өзінің барлық табысын  Х игілігіне жұмсаған болса, онда осы тауарлардың мөлшері грайиктегі ( 12-сурет ) Q_х осінде F₁, F₂, F₃, F₄ пен берілген. Осы нүктелер арқылы Х бағасын есептеуге болады. Тұтынылған Х мөлшеріне сәйкес келетін, бағаларды белгілеп, сұраныс қисығын алуға болады.

12-суреттегідей а графигіндегі ІF₁ бюджет сызығынан бастайық. Х тауарының бағасы 1/F₁ болуы керек. Тұтынушы барлық табысына тек қана Х тауарын сатып алады. Бұл жағдайда басқа игіліктерге арналған шығындар нөлге тең. Осылайша, бюджеттік шектеу:  

І = P₁ F₁+ O, 

Болады, бұдан:

P = I/F₁. 
 
 
 

12-сурет.  «баға-тұтыну» қисығы арқылы сұраныс  қисығын салу. 
 
 

Баға I/F₁-ге тең болғанда, тұтынушы Х тауарының Q₁ мөлшерін тұтынады, Е₁ тепе-теңдік нүктесі.

Баға  Р₁-ге тең болғанда, сұраныс көлемі Q₁. тауарының бағасы төмендеген сайын, бюджет сызығы Х осі бойымен әрі қарай оңға жылжиды. Қиылысу нүктесі F₂ болғанда баға 1/F₂ немесе Р₂-ге тең. Р₂ Р₁-ден кіші болуы керек, себебі F₂ F₁-ден үлкен. Бұл жағдайда Х тауарының тұтынылған мөлшері Q₂-ге дейін өсіп, тұтынушының тепе-теңдік нүктесі Е₂ болады. Р₂, Q₂ координаталары сұраныс қисығының тағы бір нүктесі ретінде төменгі графикте белгілерген. Сол сияқты, егер Х бағасы Р₃ және Р₄-ке дейін түссе, онда Х-ті тұтыну, аптасына одан әрі өседі. Осы бағада сұраныс көлемі мен бағаны бірге қосса 12-суреттегідей В графигінде сұраныс қисығын аламыз.

Бұл қисық  әр түрлі бағада жеке тұтынушының  сұраныс көлемін көрсетеді. Ал Х  тауары үшін тұтынушының сұраныс  қисығы болып табылады. Сонымен сұраныс қисығы мен «баға-тұтыну» қисығы – басқа факторлар тұрақты деп ұйғарғанда, тауардың бағасы өзгеруіне байланысты осы тауарды сатыр алу көлемі қалай өзгеретінін көрсетудің екі түрлі әдісі деп айта аламыз. 

Табыс және алмастыру әсері  

Егер  Х тауарының бағасы Р_х арзандап, ал табыс пен У тауарының бағалары өзгермесе, онда бұл жағдай тұтынушының талғамына екі түрлі әсер етеді. Біріншіден, оның табысы өзгермесе де сатып алу қабілеті өседі. Екіншіден, ол арзандаған затты көбірек алып, бағасы өзгермеген затты тұтынуын азайтады. Тұтынушының сұранысын арттыратын бірінші жағдай табыс әсері, ал екіншісін – алмастыру әсері деп атайды. Бұл өзгерістер бір мезгілде болатындықтан оларды ажыратып зерттеген орынды. Келесі суретте осы екі түрлі әсерлерді зерттеу жолдары келтірілген. 
 
 

13-сурет. 

І және ІІ бюджет сызықтарында баға бірдей. Ал С нүктесінде Х тауарына деген  сұраныс А нүктесімен салыстырғанда  жоғары. Бұл тек қана заттың арзандауының арқасында болып отырған өзгеріс. Сондықтан SS₂ алмастыру әсерін көрсетеді. Жалпы сұраныстың өзгеруі SS₁-ге тең, ал оның ішінде SS₂ алмастыру әсерін көрсетеді. Демек S₁ S₂ нақты табыстың өзгеруі нәтижесінде өскен сұранысты бейнелейді. Сондықтан бұл табыс әсері деп аталады. 
 
 
 
 
 
 
 
 
 
 
 
 
 
 
 
 
 
 
 
 

Жоспар: 

1. Тұтынушылар қалауы;
2. Бюджеттің шектеулігі;
3. Тұтынушылыр таңдауы;
4. «Табыс-тұтыну» және «баға-тұтыну» қисықтары;
5. Табыс және алмастыру әсері.