Банктік емес несиелік мекеменің ағымдағы жағдайы

 
 
 

Зейнетақы активтерінің жиынтықты  көлемін бөлу

 
 
 
 

Инвестицияланған  зейнетақы активтерінің көлемі 2008 жылғы 1 желтоқсандағы кезеңде 31,6 млрд. теңгеге  немесе 2,35%-ға, ал 2008 жылғы 1 қаңтардағы кезеңде - 183,3 млрд. теңгеге немесе 15,34%-ға ұлғайып, 2009 жылғы 1 қаңтарда 1 378,4 млрд. теңгені құрады.

ЖЗҚ жиынтық инвестициялық  портфелі

 

    Келтірілген мəліметтерден инвестициялық портфельдегі ең көп үлесті бұрынғыша жалпы  үлесі 77,19% болған ҚР эмитенттерінің мемлекеттік  емес бағалы қағаздары жəне мемлекеттік  бағалы қағаздар құрайтыны байқалады.

    Қорлардың номиналды кірісінің  коэффициенті туралы мəліметтер

    2009 жылғы 1 қаңтардағы жағдай бойынша  жинақтаушы зейнетақы қорларының  зейнетақы активтері бойынша  номиналды кірістің орташа алынған  коэффициенті:

    – 2003 жылғы желтоқсан – 2008 жылғы  желтоқсан кезеңінде - 36,61%. Номиналды кірістің орташа алынған түзетілген коэффициенті - 30,19% (ұқсас кезеңдегі инфляцияның жинақталған деңгейі – 61,90%);

    – 2005 жылғы желтоқсан – 2008 жылғы  желтоқсан кезеңінде – 22,79% (ұқсас  кезеңдегі инфляцияның жинақталған  деңгейі – 41,01%);

    – 2007 жылғы желтоқсан – 2008 жылғы  желтоқсан кезеңінде – 0,84% (ұқсас  кезеңдегі инфляцияның деңгейі  – 9,50%) құрады.

    Жинақтаушы  зейнетақы қорларының номиналды  кірісі коэффициентінің өзгеруі  ағымдағы жылдың 1 қаңтарында алдыңғы  жылдың осыған ұқсас көрсеткішімен салыстырғанда мынандай сипатта болды:

 

      - 60 ай ішіндегі номиналды кіріс  коэффициенті 9,54 пайыздық тармаққа  төмендеді; 

 

      - 36 ай ішіндегі номиналды кіріс  коэффициенті 10,11 пайыздық тармаққа  төмендеді; 

 

      - 12 ай ішіндегі номиналды кіріс коэффициенті 10,31 пайыздық тармаққа төмендеді.

 

Қорлардың қаржылық жай-күйі

    Қорлардың жиынтық капиталы 2009 жылғы 1 қаңтардағы жағдай бойынша 47,7 млрд. теңге болды, оның ішінде жарғылық капитал – 35,5 млрд. теңге немесе жиынтық капиталдың жалпы көлемінің 74,42%-ы болды. Активтердің жалпы сомасы 2009 жылғы 1 қаңтардағы жағдай бойынша 64,4 млрд. теңге болды немесе 2008 жылғы 1 желтоқсанмен салыстырғанда 19 млрд.теңгеге (41,85 %) ұлғайды.

    2008 жылғы қаңтар-желтоқсан айларында  14 қордың ішінде 8 қор жалпы сомасы 3,29 млрд. теңге пайда (кіріс салығын төлегеннен кейін) алды жəне 6 қор («Ұлар Үміт», «АМАНАТ ҚАЗАҚСТАН», «Қазақстан Халық Банкі», «Қорғау», «Отан» жəне «Республика») жалпы сомасы 10,31 млрд. теңге шығынға ұшырады. Жалпы алғандақорлар бойынша 2009 жылғы қаңтар-желтоқсан айларында жалпы сомасы 7,02 млрд. теңге шығын болды.

    Қорлардың меншікті активтері есебінен қаржы  инвестициялары 2009 жылғы 1 қаңтардағы жағдай бойынша 50,7 млрд. теңге немесе қорлардың жиынтық активтерінің 78,73%-ы болды.

    Қорлар меншікті активтерін мемлекеттік бағалы қағаздарға – 61,97 %, Қазақстан Республикасының эмитенттерінің мемлекеттік емес бағалы қағаздарына – 28,75%, халықаралық қаржы ұйымдарының бағалы қағаздарына – 0,18 %, «Кері РЕПО» операцияларына - 1,99 % инвестициялады, екінші деңгейдегі банктердегі салымдарға – 5,87 %, шетел эмитенттерінің мемлекеттік емес бағалы қағаздарына – 1,18 %, сондай-ақ инвестициялық қорлардың пайларына - инвестициялардың жалпы көлемінің 0,06 % -ын орналастырды

 

Республика  экономикасындағы зейнетақы секторының ролі

 
 

    2009 жылғы 1 тамыздағы  жинақтаушы зейнетақы  жүйесінің ағымдағы жағдайы

    2009 жылғы 1 тамызда республикада 14 жинақтаушы  зейнетақы қоры (бұдан əрі - қорлар) жұмыс істеді. Заңды тұлғаларға  зейнетақы жарналарын тарту жəне  зейнетақы төлемдерін жүзеге  асыру бойынша қызметке лицензия  шілде айында берілген жоқ. 

    Қорлардың зейнетақы активтерін инвестициялық басқаруға лицензия 14 заңды тұлғада бар, оның ішінде 10 қорда зейнетақы активтерін дербес басқаруға лицензия бар.

    Есепті  күнге 11 екінші деңгейдегі банк кастодиандық қызмет атқарды. Сонымен қатар, қорларға кастодиандық қызметті 6 екінші деңгейдегі банк көрсетті: «HSBC Банк Казахстан» АҚ еншілес банкі, «Банк ЦентрКредит» АҚ, «Қазақстан Халық Жинақ Банкі» АҚ, «Еуразиялық Банкі» АҚ, «АТФ Банкі» АҚ жəне «Ситибанк Қазақстан» АҚ.

    Қорлардың салымшылары (алушылары)

    1 тамыздағы жағдай бойынша салымшылардың (алушылардың) міндетті зейнетақы жарналары бойынша шоттарының саны жинақталған зейнетақы қаражаттарының жалпы сомасы 1 674,7 млрд. теңгемен 7 587 586 құрады. Шілде айында міндетті зейнетақы жарналарын аударатын салымшылардың шоттарының саны 1 949 005 (20,4%) кеміді, жинақталған зейнетақы қаражаты өз кезегінде 34,8 млрд. теңгеге (2,1%) өсті.

1 тамызда  міндетті зейнетақы жарналары  бойынша салымшылардың (алушылардың)  шоттарының ең көп саны 4 қорда  шоғырланды: «Қазақстан Халық Банкі» - 24,6%, «МЖЗҚ» - 23,2%, «ҰларҮміт» - 13,3% жəне «БТА Қазақстан» - 11,6% немесе олардың үлесіне барлық қорлардың салымшыларының жалпы санының 72,7% келеді. Шілде айында 4 қор бойынша үлес 1,6 пайыздық тармаққа өсті.

1 тамызда  ерікті зейнетақы жарналары бойынша салымшылардың (алушылардың) шоттарының саны 40 303 жинақталған зейнетақы қаражаттарының жалпы сомасымен 914,3 млн. теңге болды. Шілде айында ерікті зейнетақы жарналарын аударатын салымшылар (алушылар) шоттарының саны 264 (0,7%) кеміді, жинақталған зейнетақы қаражаты өз кезегінде 7,2 млн. теңгеге (0,8%) өсті.

1 тамыздағы  жағдай бойынша ерікті кəсіби  зейнетақы жарналары бойынша  салымшылар шоттарының саны жинақталған  зейнетақы қаражаттарының жалпы  сомасы 74,1 млн. теңгемен 4 071 құрады. Шілде айында ерікті кəсіби зейнетақы жарналарын аударатын салымшылардың (алушылардың) шоттарының саны 1 бірлікке азайды, жинақталған зейнетақы қаражаты өз кезегінде 2,2 млн. теңгеге (3,1%) өсті.